13 Naodr mznem mz nzvz-krmlr bange, Mz nzmakx-krdr ninge mz nqngidr kxmalc.
14 Nzxplr-krnge yrkrpxpe apule lue kc tzpulio mz drtc' kx mingr. Mrkcng tzaxvctrngr nrvr rngeng nzbxplctipeng, x nqmq nr nabznge baonepe.
15 Mzli trnaboipeu nzbatr-krme nzbz-krnge. Murde mewe-zvzpex x drtwrnge brlxkz apule nabr kxngibr mz nepi.
16 Kxdrka'-ngrng nztu-ngalelvzlr ninge, nzapulr kuli kx namaneutilr ninge, X sc tzmaplxtitrpebzlr mqngeng x nanycngeng.
17 Mcx kx ninge nrvr-nrbalqtxpe. X nzobqszneopelr x nzyrpalelvzpelr ninge.
18 Nzakiti-lzbq-ngrdr nctq lrpz scnge, X nzkq scnge kc boi nzayrleo-ngrdr daes, mz nzkrlz-krdr doa kx narngisc.
19 Yawe, bzkq mncme rlru. A' vz-anim mz nzokatr-krm ninge.
