4 A' nrpa scdr vzpx, krlzbzle leplz amrlx mz nrlc tulvzo. Gct yrlqbzle nrlckxbq nangi ma nyz nepi kx mwipx-ngrmle.
5 Mz nourla, nzvzpx-ani-krm nepi ma nyzde apule nzabrtzkr ncblo kx yrlz ate. X apu-kzle ncblo menrpa kc tqoliq mz nzesangr.
6 Nepi lc prtzm mz nzngrlr-krde mz bongavz. Ngrlr, krlzbzle nrlarde kc tqtakiole. X zyzlr ngrde yzlro-ngrm mz da amrlx. Da kc tqwai Natq Yawe mz nzyzlro-krmle mz leplz amrlx.
