42 Muzara va umumi rau si arini, guana kavuru pu givusu pani. Neti va konekonei rau si arini guana kosiri pa siraṉa.
43 Ele harupau Goi si rau koari na tie va karikaridi; meke ele va baṉara au Goi koari na butubutu, sari na tinoni pu lopu gilani rau, ba nabulu nau rini.
44 Sipu avoso nau rini si va tabe au rini. Sari na tie karovodi ba mae hoqa todoṉo pa kenuqu rau.
45 Matagutu hola meke neneqara mae si arini pa kenuqu rau. Tarazuzu meke vura mae si arini koari na dia vasina varipera ta bara va ṉiṉiradi.
