4 Nabznge baonepe, X talvzo zlwz.
5 A' amqtrx drtwrnge mz nzaotikr drtwrnge zbq kcng tqvztxpeng. X dcpx mz drtwrnge da kxnzkctipxng kcng tqalemeng bagr.
6 Delc tqglalz-ngrbo mqnge bam, Murde brlxkztitx zlwz drtwrnge nim.
7 Yawe, ayzlu-anim natqnge murde nabznge baonepe. Bzkq rlaszq ninge, murde ma tqbzx.
8 A' pi-zvzm bange mz rngalx kang kqlu kx aodu-zvzq ninge, Murde abrtrpo drtwrnge bam. X mailz ninge mz lrpzki kx nao-zlix, Murde mnc-xgle-zvzx nim.
9 Yawe, bzkq rlr-ngrbzme mz enqmi rngeng nzlolvz-krdr ninge, Murde nim me rlakitrx.
