32 Nata zaatgaman gikane wamba tawambit. Dasingge, gata meya musipmaatang yukingu gwa sandekuyak.
33 Buyambam tapa, gata na mama wamba katak siknga tawambitde nanindamumso. Nanindamumbi nata asinggan tasitakuusika kupit.
34 Gata nae natdetdeu noman siknga naminu nata apme tawambit. Nata musipma tewa gatane mama wambae kuwan kuutgan tawambit.
35 Gata kepina tanomanuwi nata kepi mama wambata yanggak saak sukuwit. Dasingge, na mama wamu waakngae natapa take siknga singgak.
36 Gata musipma tangenawi nata wamba waaknga tawananggengu take natapit. Natake sanga kwaapzangbam papitde dua natapa kuwik.
37 Gata gatangami sanga yapiina wena, moo akngae masa yamit. Gika ayawi kekekakut taknga saak na katak toimso.
38 Na gikane puya amin tapaka gae akgwaukgatde wamu gika naniwi kekekakut taknga saak tasiyo.
39 Sike aminu kunduta nandupa aminu waiapa siwik kakngae apbitanggat. Siwan sanga waaknga sandekngami take siwik. Dasingge, gatane mama wambae natapa take siknga singgak.
40 Na gatane mama wamba kuutgan tawambitde take siknga nataat. Gatane yuyukga noman gan siknga. Unzingge kayuk yutnanga aknga gata namuyo.
