168 Va tabe i rau sari na Mua tinarae na vina totolie, ura gilani Mua Goi sari doduru qua hahanana na tinavete.
169 Kei Zihova, mani kamo atu koa Goi sa qua tinepa tinokae; Mu va tumatumae au, gua sapu ele va tatara nia Goi.
170 Mamu va avosia sa qua vinaravara, gua sapu ele va tatara nia Goi.
171 Kaqu vahesigo rau si Goi doduru totoso, sina va tumatumae nau Goi sari na Mua ginarunu.
172 Kaqu kera ni rau sari na Mua zinama, sina toṉoto sari na Mua tinarae.
173 Mu koa va namanama doduru totoso pude toka nau, ura ele vizatia rau pude luli sari na Mua vina tumatumae.
174 Kei Zihova, hakehakei nia rau sa tinaharupu, meke qetuqetu nia rau sa Mua tinarae.
175 Mu va toa au, pude maqu vahesi Igo, madi toka nau rina Mua tinarae si arau.
