9 Tayta Diosga imapita ñacaycajcunatapis chapanmi. Payga llaquicuycajcunata washanmi.
10 Tayta Dios, gamta rejsishoj cäga gammanmi yäracun. Gamman yäracamojtaga manami cachaycunquichu.
11 Sioncho mandaj caycaj Tayta Diospaj alabansata cantay. Imata rurashantapis intëru marcacunacho willacuy.
12 Wañuchicojcunata castigäga manami gongangachu llaquicuycajcunata.
13 Tayta Dios, chiquimajcunaga fiyupami llaquicaycächiman. ¡Cuyapaycamay ari! ¡Wañuchimänantaga ama camacächiychu!
