10 Benne' ka' zej nónbi'e Le', X̱anto' Dios, wx̱én ḻáže'gake' Le', dan' bi wléj yichjo' benne' ka' žíljgake' Le', X̱anto' Dios.
11 Le goḻ che X̱anžon', Bennen' zoe' yež Sión. Le wzenle benne' yež ka' ka nak da' bene',
12 dan' žejsá' ḻaže'e chegak benne' ka' ẕzáka'gake', na' yezi'e wzón che benne' wetw benách ka'. Bi gaḻ ḻaže'e da' žḻižgak benne' yache' ka' Le'.
13 Beyache' ḻaže'l neda', X̱ana' Dios. Bwia da' ẕzaka'a ḻo na'gak benne' ka' bi ẕḻé'egekle' neda' chawe'. Le' bekó'o neda' ḻo na' yeḻa' got
14 nich wzenla' benne' ka' da' ẕka'n ẕena' Le' gan ẕdóbgake' ḻo yež Sión, na' yebéḻe'ela' dan' besló' neda'.
15 Chejchazgak benne' yež ka' ḻo yežw da' bché'ngake'. Chejcházgake' ḻo do yeḻj da' bdíx̱jgake'.
16 X̱anžo Dios bḻoe'ele' kan ẕchi'a ḻaže'e, dan' wbága'gak ẕia benne' ka' bi zej nake' chawe' ni'a che da' béngakkze'.
