8 Béngekle benne' ka' nníta'gake' yež Sión, na' bebégekle'. Bebégekle benne' ka' nníta'gake' yežlyó Judá, ni'a che da' bchi'a ḻažo'o Le', X̱anto' Dios.
9 Ẕente nako' Le', X̱anto' Dios, ḻawle dot yežlyó. Ẕenže nako' Le' ka yógo'te dios chegak benách ka'.
10 Nol-le ḻe'e nží'ilele X̱anžon', le ža'a da' ẕinnj. Ḻe' žape chi'e yeḻa' nban chegak benne' chie' ka'. Žeslé' ḻégake' ḻo na'gak benne' wen da' ẕinnj ka'.
11 Yeḻa' baní' chie' zóaḻenen benne' chawe' ka', na' yeḻa' žebele chie' zóaḻenen benne' ḻi ḻaže' ka'.
