19 Kate' ži'a wnné yoe, na' že' zedla', žeyón ẕenkzo' neda', na' žono' ga žebéḻe'ela'.
20 Batkle gako' toze ḻen benne' ka' ẕchi'a ḻáže'gake' benách ka' ḻo da' bi nak chawe', benne' ka' ẕzóagake' cheḻa'ale da' naken chawe', na' da' bchi'lo' Le' neto'.
21 Benne' ki žóngake' toze diža' bi da' góngake' che no benne' nake' chawe', na' ẕchóggake' chie' gate', na' bi be ẕia nbage'e,
22 san X̱anžo Dios nake' ka to yo'o gan zoa chawa'a. Dios chia' nake' ka to yej x̱e da' žon chochen neda'.
23 Ḻe' yebi'e chegak benne' wen da' ẕinnj ka' ka nakkze da' ẕinnj da' béngake'. Wžía yi'e benne' ka' ni'a che da' bi nak chawe' da' žóngake'. X̱anžo Dios wžía yi'e benne' wen da' ẕinnj ka'.
