7 Zapantaa tputs siyanung tsipatsiptar ashkusin, itaru siysa matambshis taatssa.
8 Apanll tputsee mantsirimshee waanamandari chayarini waneekchu, anoo siysa kchiptis pangatssa. Itaru, siyaa nda wanichiya.
9 Yuwamand siy Apanllimunari mangis taturangis, anumand Apanll siyaa ksutchiya.
10 Maachi yutamash siyash kusamaam pinasachiya. Wanguytam tsutashish siyash pangis tsutacheeja, ndambari.
11 Watam Apanllsha waana wasundururee siyaa ksutamaam zangankuwa. Yaptaa naakis ambtaa wasundurursha uru siyaa ksutchiya.
12 Uwpat siyaa pazurangpaz ashtachiya, nda siy patumbchimun pazis tpuu ashimaama.
13 Kázamshiptaati, isariyap, mkaptam naakinaareesa, Apanllsha siyaa wanasir naamaam istachiya.
14 Apanll átcha; Siy nuwaa mangoonkus, nuwaa chinakus, nuwsha siyaa tapachindachintspa. Ashiri yutamashi siyaa kasicheeja.
15 Nuwaa mashkus, nuwsha uru yámchintspa. Nuwaana siyapa washunand taachima. Mangis kapung mantsakus, mangeetsis tuwizpurtachintspa. Tputssha siyaa yasaksin, Apanll waa kapung chinaku istakiya, táchinllinaya.
16 Zapantam masach taamaam wayachintspa. Sheeruri, izuuru nuwaanpee machchintspa, Apanll tárangcha, nuw siyaa atina.
