4 Chio' Le' to mil yiz zej naken ka neje, žan' da' ba wdén, na' ka to chí'ido'ze gachje yele.
5 Ka' gaze ẕkwaso' benne' ka' ka žon to nis wbá'a. Zej nake' ka to bichgale dan' ẕnnitlen kate' žebanžo.
6 Zej nake' ka to yeje yix̱e' da' žaljen zildo', na' kate' ẕḻa' wbíž, na' ẕbižen.
7 Ẕbia yi'to' dan' ẕžo'o neto'. Že' zedlto' dan' ẕžá'ḻi'o neto'.
8 Ẕḻe'elo' yógo'te da' bi nak chawe' da' žonto'. Ẕḻoe'elo' ḻaw ẕia da' nbága'to'.
9 Ẕzacho'o yiz cheto' dan' ẕžo'o neto'. Žeyožgak yiz cheto' ka to be' da' ẕka'to'.
