3 Žono' ga žeyakgak benne' ka' da' gókgake', kate' ži'o ḻégake': “Le yeyák bix̱te yo.”
4 Chio' Le' to mil yiz zej naken ka neje, žan' da' ba wdén, na' ka to chí'ido'ze gachje yele.
5 Ka' gaze ẕkwaso' benne' ka' ka žon to nis wbá'a. Zej nake' ka to bichgale dan' ẕnnitlen kate' žebanžo.
6 Zej nake' ka to yeje yix̱e' da' žaljen zildo', na' kate' ẕḻa' wbíž, na' ẕbižen.
7 Ẕbia yi'to' dan' ẕžo'o neto'. Že' zedlto' dan' ẕžá'ḻi'o neto'.
8 Ẕḻe'elo' yógo'te da' bi nak chawe' da' žonto'. Ẕḻoe'elo' ḻaw ẕia da' nbága'to'.
9 Ẕzacho'o yiz cheto' dan' ẕžo'o neto'. Žeyožgak yiz cheto' ka to be' da' ẕka'to'.
10 Ka zej nak ža zoato' nbanto', zej nakzen chonnlalj chi yiz, na' cha' nakto' benne' waḻe, wak soato' nbanto' taplalj yiz, san ka zej nak yiz ka', ẕzáka'to', na' že' zedlto'. Ka' gaze ẕdegak yiz ka', na' ẕnitlto'.
