2 Nogaga willacushaj wasipa alli simintunnöpis imaycamapis cuyacoj cashayquitami. Gampa palabrayquega syëlu imaypis mana rucaj cashannömi.
3 Davidwanpis allimi parlacurayqui. Acrashayqui sirbishojniquitami aunirayqui:
4 «Nogami camacächishaj gampita mirajcuna imaycamapis ruquiqui mandaj cananpaj» nir. Selah
5 Tayta Dios, janaj pachacho caycajcunami alabashunqui llapanta cumlej cashayquipita, milagrucunata rurashayquipitapis.
6 ¡Manami ima diospis, ni syëlucho caycajcunapis gammanga tincunchu!
7 Janaj pachacho llapan shuntacasha caycashanchöpis gamtaga manchacushunquimi. Anjilcuna tumaparaycäshushayquichöpis gamga canqui fiyupa manchacuypaj munayniyojmi.