9 Wagaycällarnami gaprayaycäpis. Tayta Dios, waran-waranmi maquëtapis chojpacur gamllaman mañacaycämö.
10 ¿Wañojcunaga ricangachuraj milagruta rurashayquita? ¿Wañojcunaga agradësicushunquimanchuraj? Selah
11 ¿Sepultürachöga cuyacoj cashayquita willanacunmanchuraj? ¿Wanwanyaycaj uchcuchöga alli cashayquita willanacunmanchuraj?
12 ¿Fiyupa yanauyaycaj chacaycho musyanmanchuraj milagrucunata rurashayquita? ¿Allicunata rurashayquita yarpanmanchuraj imatapis manana yarpäna pachachöga?
13 Nogami ichanga Tayta Dios gamllata gayacaycämö. Tutallanami gamta mañacaycämö.
14 Tayta Dios nogataga ¿imanirtaj manacajman churamanqui? ¿Imanirtaj nogapitaga pacacunqui?
15 Wamra cashäpita-pachami nogaga fiyupa llaquicullar goyashcä. Wañuyllami tumapämasha. Fiyupa manchariypajcunawanmi ñacachimashcanqui.
16 Rabyawan ñacachimashayquimi nogataga chayamasha. Ñacachimaptiquimi ima ruraytapis mana camäpacönachu.
