8 Gammi camacächishcanqui amïgöcunapis jaguiycamänanpaj. Gammi camacächishcanqui paycuna manana awantamänanpaj. Cananga caycä prësu mana gueshpiyta puydejnömi.
9 Wagaycällarnami gaprayaycäpis. Tayta Dios, waran-waranmi maquëtapis chojpacur gamllaman mañacaycämö.
10 ¿Wañojcunaga ricangachuraj milagruta rurashayquita? ¿Wañojcunaga agradësicushunquimanchuraj? Selah
11 ¿Sepultürachöga cuyacoj cashayquita willanacunmanchuraj? ¿Wanwanyaycaj uchcuchöga alli cashayquita willanacunmanchuraj?
