3 X̱ana' Dios, beyache' ḻaže'l neda', dan' žḻiža' Le' dot ža, dot yele.
4 Ben ga yebéḻe'ela' neda', wen žin chio', dan' ẕzoa kwina' ḻo no'o Le', X̱ana' Dios.
5 Nako' Le' chawe', X̱ana' Dios, na' ženít ḻawo'o neto', na' žeyache' ḻáže'tezlo' benne' ka' žḻížgake' Le'.
6 X̱ana' Dios, benle da' ẕcháḻjḻena' Le', na' bze nag da' ẕnnabla' Le'.
7 Ḻo ža kwe' zedḻa' wḻižkza' Le', dan' žechébekzo' Le' chia'.
8 X̱anto' Dios, bi zoa no benne' nake' dios ka nako' Le' na' bi zoa no benne' gak gone' ka nak da' žono' Le'.
