10 pampa ta tahuel tihueyi huan tijchihua huejhueyi tamanti. ¡San ta nelía tiDios!
11 TOTECO, technextili moojhui huan nijtoquilis pampa san ya nopa temachti. Xijchihua para noyolo ma mitzhueyitepanita, huan ma quiimacasi mitzixpanos nochi nonemilis.
12 TOTECO Dios, nimitzpaquilismacas ica nochi noyolo huan nimitzhueyitalis para nochipa,
13 pampa tahuel hueyi motaicnelilis ica na, huan amo quema tami. Ta techmanahuijtoc para amo niyas micta campa tanahuatía miquilisti.
