1 David isquirbishan alabansa. Tayta Dios, wiyaycamay ari. Nogaga caycä fiyupa llaquishami, pasaypa pobrimi.
2 Gam munashayquinömi nogaga rurä. Chapaycamay ari. Gammi canqui Diosnë. ¡Gamman yäracamoj sirbishojniqui caycaptëga salbaycamay ari!
3 Tayta Dios, imay örapis gamtami mañacaycämö. Cuyapaycamay ari.
4 Tayta Dios, gamtami mañacaycämö. Gamta sirbiycaptëga cushicaycachimay ari.
5 Tayta Dios, gamga canqui allimi, imapitapis perdunajmi. Amatarmi cuyanqui gamman mañacamojcunataga.
6 Tayta Dios, mañacamushätaga wiyaycuy. Ruwacamushätapis wiyaycamay.
7 Llaquicushä öra gamta mañacamö imaypis yanapämaptiquimi.
8 Tayta Dios, manami gamnöga canchu. Gam rurashayquitano ruräga manami pipis canchu.
9 Tayta Dios, gammi camacächishcanqui nasyuncuna cananpaj. Chay nasyuncho tiyaj runacunami adurashunquipaj, alabashunquipaj.
10 ¡Gam japallayquimi Diosga canqui! Gamllami canqui munayniyoj, milagrucunata rurajpis.
