6 Wagay jutiyoj pampa guechwapa päsaptin chay pampapis pucyumanmi ticracurenga. Tamyapis paycunamanga bindisyuntami churanga.
7 Sercaynin-tupumi callpanpis yapacanga. Tayta Dios Sionchönami quiquiquita ricashunquipaj.
8 Jacobpa munayniyoj Tayta Diosnin, mañacaycämushäta wiyaycamay ari. Selah
9 Tayta Dios, alli ricaycuy acrashayqui raytaga. Nogacunapäga paymi caycan pillyar chapacuna escüdöno.
10 Waranga watantin juc-lächo goyänäpa ruquenga mas alli canman juc junajllapis Wasiquicho goyaptëmi. Juchasapacunawan goyänäpa ruquenga mas alli canman Wasiquicho pichapacullarpis goyaptëmi.
11 Tayta Dios gammi intita achicyächimunqui, ima mana allipitapis chapämanqui. Munashayquino goyajcunataga cuyanquimi, allimi ricanqui. Paycunataga llapantapis allitami tarichinqui.
12 Munayniyoj Tayta Dios, ¡cushisha cawachun gamman yäracamojcunaga!
