Text copied!
Bibles in Tabaa Zapotec

Salmos 83:3-13 in Tabaa Zapotec

Help us?

Salmos 83:3-13 in Xela wezria cube nen salmo caʼ

3 Bagácheze ba zaj nune̱' tuze dizra' bi xelune̱' chee̱ bénneache chiu', ne ba zaj nune̱' bi xelune̱' chee̱ benne' ca' dxuxúequezu' Lue'.
4 Gulenné̱': “Le chu'u, guzría xidxu benne' ca' chee̱ québedxa xelaque̱' tu cue' xe̱zr la xu, ne québedxa nu sua benne' cheajsá lazre̱' la Israel.”
5 Ba belune̱' tuze dizra'. Zaj nune̱' tuze dizra' xeledábague̱' Lue'
6 benne' Edom ca', ne benne' Ismael ca', ne benne' Moab ca', ne benne' zri'ine zre sua ca' Agar,
7 ne benne' Gebal ca', ne benne' Amón ca', ne benne' Amalec ca', ne benne' Filistea ca', ne benne' zaj zre̱'e̱ xe̱zre Tiro.
8 Cá'anqueze benne' Asiria ca' zaj nune̱' le̱' tuze. Xúgute̱ benne' caní dxelune̱' zrin chee̱ zri'ine zre sua Lot.
9 Be̱n chee̱ benne' caní ca be̱nu' chee̱ benne' Madián ca', ne ca be̱nu' chee̱ Sísara, ne ca be̱nu' chee̱ Jabín dxu'a xe̱gu Cisón,
10 benne' ca' gulátie̱' lu xe̱zr la xu Endor, na' belexaque̱' ca xrche̱'e̱ be̱zre da gun na be̱be lu xe̱zr la xu.
11 Be̱n gaca chee̱ benne' blau ca' chee̱ benne' caní ca guca chee̱ Oreb, ne chee̱ Zeeb, ne be̱n gaca chee̱ benne' dxelenná bé'ene̱' benne' caní ca guca chee̱ Zeba, ne chee̱ Zalmuna,
12 lawe' da gulenná benne' caní: “Gaca chee̱dxu xe̱zr la xu naga zaj zra' bénneache chee̱ Dios.”
13 Dios chia', be̱n xelaque̱' ca xizre be̱be da dxua be' gate dxedube na. Be̱n xelaque̱' ca xrlácue xia xéladu ca' da dxua be' bdunu'.
Salmos 83 in Xela wezria cube nen salmo caʼ