8 E-dadganyobi guosurmalad. E-dadgandi, binsaed-sate, uayasuli gusmalad, e-gwagegi innikigwadba nanassurmalad, e-ulubgi Bab-Dummad-sogedba gudii gussurmalad.
9 Efraín-wagan, sigu-miemalad-buleganad, degi-inigwele, bila-onolenaid-ibagi wakite gusmalad.
10 Israel-dulemar Bab-Dummadbo-Igar-Mesisadba ibmar imaksasurmalad, Bab-Dummad-Igar-Maidba ibsassurmalad.
11 Bab-Dummad-ibmar-dummagan-imaksadi, ega ibmar-gegerdaklemalad-oyosadi, bela iesmalad.
12 Bab-Dummad Egipto-yargi, Zoán-nebagi, e-dadganga ibmar-dakledisurmalad-oyosgusadi, bela iesmalad.
13 Bab-Dummad, Israel-dulemar nabir-obakmalagala demar-dinnaa imaksad, demar gasdibiryob ganna mesisad.
