63 Inintelpocahua quintlatijque, huan iniichpocahua quintzontlamiltijque, niyon amo quiaxilijque para monamictise huan huicase ipan nenamictili.
64 Quintzontlamiltijque nopa totajtzitzi ica machete huan ininsihuajhua nojquiya mijque nimantzi, niyon amo quinchoquilijque ininhuehuejhua.
65 Huajca Toteco motlananqui quen quema se acajya cochi huan mehua, o quen se tetica tlacatl catli tlahuel tzajtzi chicahuac pampa ihuintitoc.
66 Huan Toteco quinichtacahui quinhuilanqui icualancaitacahua. Quena, quinhuejcamajcajqui huan quintitlanqui ipan se lugar campa quipanose pinahualistli para nochipa.
67 Pero Toteco quintlahuelcajqui nopa huejhueyi familias catli hualajqui tlen José huan Efraín.
