45 Bseḻe'e bi'a ka' ladjw benne' ka', bia ka' bsáka'gakba' ḻégake'. Bseḻe'e blož ka' nich bchínnjgakba' yežlyó chégake'.
46 Bseḻe'e biche' zo ka' nich bdáwgakba' linne chégake', na' bžia yí'gakba' da' zej den ḻo yežlyó chégake'.
47 Bseḻe'e yej nis ẕen da' bchinnjen lba uba chégake' ka', na' bseḻe'e da' zag dan' besbižen yag higo chégake' ka'.
48 Bseḻe'e yej nis ẕen da' beten bia yix̱e' chégake' ka', na' bseḻe'e yes wzió' da' beten ẕila' chégake' ka'.
49 Bene' ga wẕáka'ḻe'egak benne' Egipto ka', dan' bžá'aḻi'e ḻégake', na' bseḻe'e da' ka' gókgaken ka wbás zan che ya'abá nich wsaka' zí'gake' ḻégake'.
50 Bi bsane' yeḻa' ẕža'a chie', na' bi benít ḻawe' chégake' nich bi gátgake', san bete' zángake' ḻen to yižwé' ẕen.
51 Bete' bi' byo nežw ka' chegak benne' ka', bi' byo nežw ka' chegak benne' Egipto ka'.
