7 Wasiquitaga manami rispitashachu. Chaypa ruquenga rupaycärachishami.
8 Nogacunapäga «ushajpaj illgarachishun» niranmi. ¡Cay nasyunchöga llapantami rupachisha gamta aduranäpaj shuntacänä wasicunatapis!
9 Bandëräcunapis mananami ichirpannachu. Profëtacunapis mananami cannachu imaycama chaynölla canäcunapaj cashanta willamänanpaj.
10 Tayta Dios, ¿imaycamaraj wiyächipämanga chiquimajcunaga? ¿Imaycamaraj washayquitapis parlarcaycanga?
11 ¿Imanirtaj manana yanapämanquinachu? ¿Imanirtaj manana imatapis ruranquichu?
12 Unaypitapis gamllami nogacunapaga Raynë canqui. Tayta Dios, gamga cay pachacho achca cutimi allicho llojshishcanqui.
13 Lamar yacutapis munayniquiwanmi ishcayman raquirirayqui. Lamarcho tiyaj waräcuypa umantapis paquirgärishcanqui.
14 Waräcuy Leviatanpa umantapis llapirishcanquimi. Wañuycacherga chunyajcho tiyaj animalcunatami garashcanqui.