SALMOS 74:15-18 in Central Huasteca Nahuatl

¹⁵ Tijchijqui ma meya at ipan huejhueyi amelme huan para hueyame ma quipiyaca at. Nojquiya tiquinhuatzqui hueyame cati amo quema huactoyaj.

¹⁶ Ta moaxca tonali huan yohuali. Ta tijchijchijqui metzti huan tonati.

¹⁷ Ta tijtamachijqui hasta canque tamis taltipacti. Nojquiya ta tijchihua ma tatotoniya huan ma taseseya.

¹⁸ TOTECO, xiquita quenicatza mitzmahuispolohuaj mocualancaitacahua, huan quenicatza mitztaijilhuíaj nopa masehualme cati mohueyimatij.