10 Chee̱ le̱ na' xúgute̱ bénneache dxelune̱' le̱' tu zren, ne dxelezi'e̱ ca da dxelenná benne' gunni'a ca'.
11 Dxelenná benne' ca' dxelune̱' da cale̱la: “¿Ájazra gaca neze Dios? ¿Dxelé'equeze Bénnea' zue̱' na'ala?”
12 Benne' caní zaj naque̱' benne' zaj nabéaj xíchaje̱' Dios, na' dxelepe bane̱' lu xe̱zr la xu, ne dxelaque̱' gunní'a.
13 Da líqueze, dácheze naca guca' du lazre', ne quebe bi da cale̱la nuna'.
14 Gudéa' lu da ba xa' tu zra tu zra, ne gudéa' xel-la' zi' xúgute̱ zra.
15 La nnia' neda': Guchálaja' ca dxuluchalaj benne' ca', na' si xe̱'a bénneachedu ca' chiu', Dios.
16 Gate blaba lazra' chee̱ chéajni'ida' da nigá, guca na sté̱bele̱'e̱ chia' neda'.
17 Gate guxu'a lu lataj lá'azxa chee̱ Dios, na' guque be'eda' da gaca chee̱ benne' ca' gate cheajsé̱.
