3 Gammi canqui gaganöpis chapämajnë. Gammi canqui pacacuna siudä, salbamajnë. Chaymi gamllaman guellicamö.
4 Tayta Dios, pacaycamay ari mana alli runacunapita, wañuchicoj runacunapita, fiyu runacunapita.
5 Tayta Dios gammanmi mösu cashäpita-pachapis yäracaycämö. Gammi imapitapis chapämashcanqui.
6 Mamäpa pachancho caycashpallänami gammanga yäracaycämurä. ¡Gammi yurichimarayqui! ¡Imaypis gamllatami alabaycäshayqui!
7 Achcajmi nogata ricamar almirasha. Ichanga gammi nogataga chapämarayqui.
8 Goyay goyaypis gamta alabaycällarmi goyä.
9 Auquinna captëga ama gongaycamaychu. Callpaynaj captëga ama cachaycamaychu.
10 Wañuchimayta munajcunaga achcaj shuntacaycärirmi conträ parlacusha.
11 Paycuna ninacun: «Gaticachashpayqui chariy. Diosga cachaycushanami. Manami pipis salbangachu.»