17 Dios, Lue' bsé̱denu' neda' gate nácatea' bidau'te̱. Dxulé'eda' bénneache ca naca da zrente̱ da be̱nu'.
18 Dios, quebe gusán lazru' neda' gate bache guxrúa', ne ba bgucha'. Be̱' neda' lataj guzenda' zri'ine zre sua' ca naca xel-la' waca chiu', ne guzenda' bi za xelalaj ca naca xel-la' wal-la chiu',
19 ne ca naca da xrlátaje chiu', da naca na da zrente̱, Dios. Lue' ba be̱nu' da zaj nácale̱'e̱ na zrente̱. Dios, ¿Núzraqueze ca Lue'?
20 Lue' be̱nu' gudéa' lu da ste̱be zante̱, ne lu da cale̱la ca', na' gunu' xexaca bana', na' da xula xechisu' neda' lu xe̱dxu ba.
21 ¡Gucá'ana szrendxu' neda', ne xue zrénquezu' neda'!
22 ¡Cá'anqueze güe lá'anaqueza' Lue', quínnia' da gul-lale̱na'! ¡Dios chia', gúl-laqueza' chee̱ da li chiu', quínnia' da du' zríadi'i na du! ¡Nacu' Benne' Lá'azxa chee̱ benne' Israel ca'!
23 ¡Sua' lu da ba neza gate gúl-laqueza' chiu' Lue', ne béqueze bénne'du xu'a, bénne'du' bexa'u!
