1 ¡TOTECO, na san ipan ta nimotemachijtoc! ¡Amo quema techpinahualti!
2 ¡Techmanahui tlen nocualancaitacahua, pampa ta tixitlahuac! ¡Techchololti ininmaco! Ximohuijtzoma quentzi para techtlacaquilis huan techmaquixti.
3 Nochipa san nimotlatijtoc huan nimotemachijtoc ipan ta para amo nechajsise nocualancaitacahua. Nijmati para ta titlanahuatijtoc ma nechmaquixtica pampa san ipan ta huelis nimomanahuis.
4 NoTeco Dios, techmanahui ininmaco ni mosisinijca tlacame huan temictiani.
5 TOTECO, ta catli titoTeco, san ipan ta nimotlatzquilijtoc, huan san ipan ta nimotemachijtoc hasta tlen quema niconetzi. Huan quej nopa nitelpocatixqui.
6 Ta nochipa tiitztoc nohuaya hasta quema noja niitztoya iijtico nonana. Quena, tlen iijtico nonana ta techquixti huan nochipa techpalehuijtoc. ¡Yeca tlahuel nijnequi nimitzpaquilismacas para nochipa!
