5 Dios, nnézkzelo' Le' bena' da' yaḻze, na' ẕḻe'ekzlo' doḻa' da' bena'.
6 X̱ana' Dios ẕente, bi go'o latje benne' ka' žx̱en ḻáže'gake' Le' yedoé'egekle' ni'a che da' bena'. Bi go'o latje benne' ka' zá'gake' chio' chíx̱gekle' ni'a chia' neda', Dios chegak benne' Israel ka'.
7 Dan' nži'ila' Le' ẕchíx̱gake' neda', na' ḻo yeḻa' sto' zoakza'.
8 Naka' ka to benne' zi'to' ḻawgak benne' ljéža'do' ka', na' bi zej nónbi'e neda'.
9 Žeye ẕla ḻáẕda'wa' dan' žé'ḻi'a wnné yoe che ližo'. Da' ẕnnégak benne' ka' chio' Le', Dios, naken ka ẕnnégaken' chia' neda'.
