3 Tlahuel nichocatoc hasta nisiyajtoc. Nimitztzajtzilijtoc, Toteco Dios, hasta nechcocohua noquechtla huan ayoc hueli nicamati. Nochi noixtiyol semajtoc ica choquistli. Ya niixcuati pampa campa hueli nitlachixtoc para niquitas intla tihuala, Toteco Dios, para tinechpalehuis.
4 Tlahuel miyac nopa tlacame tlen nechcocolíaj yonque ax tleno niquinchihuilijtoc. Nelía quipiyaj miyac chicahualistli nocualancaitacahua tlen quinequij nechmictise. Pero na ax niquinixpanotoc. Quinequij nechtlatzacuiltise ica se tlamantli tlen ax nijchijtoc.
5 NoTeco Dios, ta tijmati para nelía nihuihuitic, huan tiquixmati nochi notlajtlacolhua.
