19 Alabasha cachun Salbacoj Tayta Diosninchëga. Paymi waran-waran yanapämanchi. Selah
20 Diosninchëga imapitapis salbacoj Diosmi. Tayta Diosga wañunanchïpaj caycajtapis salbamashwanmi.
21 Diosga chiquejcunapa umanta llapirengami. Juchallancho cawajcunapa ajchasapa umantapis ishcaymanmi rurarenga.
22 Tayta Diosmi nisha: «Basán puntapitapis cutichimushayquimi. Lamar yacu rurinpitapis jorgamushayquimi
23 chaquiquicunatapis chiquinacushayquipa yawarninwan pucaypa pucachinayquipaj, allguyquicunapis chay yawarta lajwananpaj» nir.
24 Masqui ricay, Tayta Diosnëmi wasinman yaycuycan. Rusyunchönömi raynëpa guepanta gatinaylla aywarcaycan.
25 Cantajcunami ñaupa-puntata aywarcaycan, guepantanami tucajcuna. Chaupintana aywarcaycan jipashcuna panderëtacunata tucaraycar.
