14 Bchebe ḻaža'a gonan', dan' wnnía' katen' wžé' zédḻe'ela'.
15 Wzeya' biado' ka', bia ženne' ka', ḻawo' Le', na' kwen žen chegak ẕíla'do' ka' wzeya'-ba' gan zo', na' gota' beždo' ka', na' chibo byo ka' ḻawo' Le'.
16 Le da, yénlele, yógo'tele ḻe'e ẕžébele Dios. Wzenla' ḻe'e da' bene', gókḻene' neda'.
17 Dot ḻaža'a bḻiža' Ḻe', na' bka'n ẕenkza' Ḻe'.
18 Chela' wzé ḻaža'a to da' ẕinnj bi benle X̱anžon' chia',
19 san da' likze benle Dios chi'a, na' bze nage' da' wnnabla' Le'.
20 Bi bzoe' cheḻa'ale da' bcháḻjḻena' Ḻe', san beyache' ḻáže'le' neda'. ¡Ga'n ẕen Dios!
