6 Gammi munayniquiwan callpayquiwan sumaj tacyaraycächinqui llapan jircacunata.
7 Gammi chawächinqui lamar yacu wayrawan gaparar pullchajyaycajta, runacuna shanaypa shanar gaparpaycajtapis.
8 Cay pachacho tiyajcuna may carucho carpis almiraypajta rurashayquita ricar fiyupami almirasha. Pachapa jucaj cuchunpita jucaj cuchuncamami runacunaga cushicurcaycan.
9 Gammi ricaycanqui cay pachataga. Tamyachimunqui. Micuycunatapis wayuchinqui. Gammi rïgutapis pargunqui achca mayu yacu aywajcunawan. Chaynömi chacrataga camarinqui.
10 Cay pachacho caj ragracunaman gammi yacuta juntachinqui. Chacrapa llapan curpancunatapis ñuchuchinqui. Allpacunatapis tamyawan ömichinqui. Bindisyunniquiwanmi llapanpis alli wayun.
11 Gampa bindisyunniquiwanmi watapis watacharcun. Maypapis tamyachishallayquipami micuypis alli wayun.
12 Chunyaj chaqui jircacho caj guewacunapis berdiypa berdiycanmi. Puntacunapis cuyayllapämi caycan.
