10 NoTeco Dios, ta nochipa tinechicnelijtoc miyac, yeca nijmati para temachtli tinechyacantiyas. Tijchihuas ma niquitas tlen tlahuel nijnectoc ma ininpanti nocualancaitacahua.
11 NoTeco, ta tlen tinechmanahuía, amo xiquinmicti nimantzi ni nocualancaitacahua, pampa huelis ni notlacajhua nimantzi quiilcahuase tlen ininpantis nopa mosisinijca tlacame. Más cuali san xiquinsemana ica mohueyi chicahualis huan xiquinechcapantlali.
12 Quena, xiquintlatzacuilti pampa nochi inijuanti tlahuel istlacatij, mohueyimatij huan tlatelchihuaj.
