7 Ẕnne': “Le yenle, benne' chia' ka', na' wchaḻja'. Le wzé nag, benne' Israel ka', na' nnia' da' yesbaga'a ḻe'e ẕia. Neda', Dios, naka' Dios chele.
8 Bi tiḻa' ḻe'e ni'a chegak biado' ka' betle ḻawa', na' ni'a chegak biado' ka' bzeyle, da' ka' ẕgó'otezele ḻawa' neda'.
9 Bi si'a beždo ka' ḻo na'le ḻe'e, na' chibo byo ka', bia chele ka'.
10 Yógo'te bia yix̱e' ka' zej nakba' chia', na' yógo'te bia beždo' ka', bia zej zoaba' ḻo ya'ado' ka'.
11 Yógo'te bia ka' zoa x̱ílgakba' yó'ogakba' ḻo na'a, na' ḻezka' yógo'te bia ka' zej zoaba' nbángakba'.
