4 Toteco Dios quinnotza nochi cati itztoque ipan ilhuicacti huan ipan taltipacti, para ma contachilica quenicatza quintajtolsencahuas imasehualhua. Quiijtohua:
5 “Xiquinsentilica nomasehualhua cati moiyocacajtoque ten na. Quena, ma hualaca nochi inijuanti cati quichijtoque se camanali nohuaya, quema nechmacaque tacajcahualisti huan quiijtojque para nechtoquilisquíaj.”
6 Nochi ilhuicacti tepohuilía para Toteco Dios itztoc xitahuac. Huan para yaya nopa juez cati tetajtolsencahuas.
7 “Xijtacaquilica nochi annomasehualhua, xijcaquica nochi cati niquijtos. Nimechtelhuis miyacapa ica nochi tamanti cati anquichijtoque, pampa na niDios huan niamoTeco.
