3 Wchaḻjkza' da' naken che yeḻa' žejní'il, na' wzejni'ila' ḻe'e da' yo'on yichj ḻáẕda'wa'.
4 Bze nag diža' ki che yeḻa' žejní'il. Goḻkza' che to da' ngache', na' chinna' da' žóḻ-ḻena'.
5 ¿Biẕ chen' žon byenen žeba' ḻo ža che da' zede, kate' nyechjlen neda' da' ẕinnj da' žongak benne' ka' bi ẕḻé'egekle' neda' chawe'?
6 Benne' ka' žx̱en ḻáže'gake' da' zej nake', na' ẕka'n ẕen kwíngake' dan' zej nape' yeḻa' wnni'a.
7 Bi be gak góngake' da' yebéj chawen' ljéžgake' ka', na' bi gak wnéẕjwgake' to da' yeslán ḻégake',
8 nich sóatezegake' nbángake' nich batkle nnitle beḻa' žen chégake' dan' ẕenḻe'e nak da' yeya'wn yeḻa' nban chegak benách, na' batkle gak no benne' chiẕjwen'.
