7 Le' wdape chi'o neto' nich bi be gok gongak cheto' benne' ka' bi ẕḻé'egekle' neto' chawe'. Beno' ga bedoé'egekle benne' ka' ẕžá'agake' neto'.
8 Ni'a chio' Le', Dios, sóatezto' ḻo yeḻa' ba nez, na' to chi'ize wx̱én ḻáže'to' Le',
9 san wléj yichjo' neto', na' beno' ga žedoe'elto', na' bi žéjḻeno' benne' cheto' ka', benne' žjake' ḻo wdiḻe.
10 Beno' ga bẕonnjto' ḻawgak benne' ka' ẕdíḻ-ḻengake' neto', na' benne' ka' ẕží'igake' cheto' beká'agake' yógo'te da' wdapto'.
11 Bdio' neto' ka ẕila' ka' ḻo na'gak benne' ka' žótgake' neto', na' besḻaso' neto' ladjw benne' zi'to' ka'.
