Text copied!
Bibles in Yatee Zapotec

SALMOS 41:4-13 in Yatee Zapotec

Help us?

SALMOS 41:4-13 in Dižaʼ chaweʼ kub len Salmo kaʼ

4 Wnnía': “X̱ana' Dios, beyache' ḻaže'l neda'. Beyón be' da' nakkza' dan' bena' doḻa' kate' bži'a chio' Le'.”
5 Benne' ka' bi ẕḻé'egekle' neda' chawe' ẕnnégake' chia', na' ẕnnábgake': “¿Batx̱ gat benne' ni, na' gak gaḻ ḻáže'to' ḻe'?”
6 Žedjwíagake' neda', san kege nich gak chia' da' chawe'. Ẕbéjgake' neda' diža' nich gak nnégake' chia', na' kate' žežójgake', na' ẕzégake' dižan'.
7 Kate' ẕdobgak benne' ka' bi ẕḻé'egekle' neda' chawe', na' ẕnnétezegake' chia'. Ẕcháḻjḻentezegake' ljéžgake' ka' chia' neda', na' ẕnnágake':
8 “Ba de'e to yižwé' da' goten ḻe', na' biž yeyase' gan die'.”
9 Ḻeska' bennen' bga'n chawe'e ḻen neda', bennen' bx̱en ḻaža'a, na' bdáwḻenkze' neda', benne' ni wnnekze' chia' neda'
10 san Le', X̱ana' Dios, beyache' ḻaže'l neda', na' ben ga yeyasa', na' yebi'a chegak benne' ka' da' yeyáḻa'gake'.
11 Kikze nnezla' žona' da' žaz ḻažo'o Le', na' bennen' bi ẕḻe'ele' neda' chawe' bi be gak gone' chia'.
12 Le' nóx̱wkzo' neda' dan' naka' gaẕjw ḻaže', na' bzo' neda' ḻawo' Le' to chi'ize.
13 ¡Ga'n ẕen X̱anžon'! Nake' Dios chegak benne' Israel ka' yógo'te yiz nníta'gake', na' to chi'ize. Ka'kze naken, na' ka'kze gaken.
SALMOS 41 in Dižaʼ chaweʼ kub len Salmo kaʼ