6 Llaquishalla, jagayashalla, uysucushallami purëpis.
7 Rupaywan wajtäpis rauraycan. Intëru cuerpömi nanaycan.
8 Callpäpis mananami cannachu. Wirur-ushashanömi nanapäcuycä. Chaymi llapan shongöpa llaquicur ataycä.
9 Tayta Dios, imata munaycashallätapis gamga musyanquimi. Llaquicuycashäcunapis manami pacaranchu.
10 Shongöpis tic-ticyaycanmi. Callpäpis manami cannachu. Ñawëpis chacaycannami.
11 Guerëcuna captinmi llapan amïgöcunapis, castäcunapis carullachöna carcaycan.
12 Wañuchimayta munajcunaga togllatami churaparcaycäman. Mana allita ruramayta munamajcunaga illgächimaytami yarparcaycan. Imay örapis mana allita ruramayllatami yarpaycan.
13 Chaypis nogaga mana wiyaj upanömi cacö. Mana rimaj upano imatapis mana rimacöchu.
14 Imata nimaptinpis manami wiyaj-tucöchu. Upanömi imata nimaptinpis mana cutichëchu.
15 Tayta Dios, gamtami shuyaraycä. Nogapa faburnë gam rimarcuy ari.
16 Ichanga ruwacushayqui Tayta: Tuniptë-imaga ama camacächiychu nogata asipämänanta.
17 Illajpitanami tunej-aywä. Intëru cuerpö nanaycaj manami rätullapis chawaycunnachu.
18 Juchata rurashäpitami fiyupa llaquicö. Chaymi jucha rurashäta willacushaj.
