2 Lëchayquipis cuerpöchömi jaticasha caycan. Maquiquiwanmi ñacachimashcanqui.
3 Rabyasha piñacamaptiquimi intëru cuerpöpis manana sänunachu. Juchäpitami tullöcunapis manana sänunachu.
4 Juchä atipashami caycä. Chaymi lasaj guepino ñacaycächiman.
5 Mana yarpachacuypa rurashäpitami guerëcunapis ismur asyaricurisha.
6 Llaquishalla, jagayashalla, uysucushallami purëpis.
7 Rupaywan wajtäpis rauraycan. Intëru cuerpömi nanaycan.
8 Callpäpis mananami cannachu. Wirur-ushashanömi nanapäcuycä. Chaymi llapan shongöpa llaquicur ataycä.
9 Tayta Dios, imata munaycashallätapis gamga musyanquimi. Llaquicuycashäcunapis manami pacaranchu.
10 Shongöpis tic-ticyaycanmi. Callpäpis manami cannachu. Ñawëpis chacaycannami.
