11 Bḻa'gak benne' ka' žechébegake' da' wen ḻaže'. Wnnábgekle' neda' ka nak che to da' bi nnezla'.
12 Bebí'igake' chia' da' ẕinnj ni'a che to da' chawe' da' bena' neda', nich wsáka'gake' neda',
13 san neda', kate' bi wnníta'gake' chawe', gok nyache' ḻaža'a, na' bena' wbás, na' bsaka' kwina'. Dot ḻaža'a bḻiža' Le', Dios, nich yeyono' ḻégake'.
14 Gok nyache' ḻaža'a ni'a chegak benne' ka' kan žona' ni'a che bi' lježa', o ni'a che bi' bíche'kza'. Gok nyache' ḻaža'a ka žon no benne' ni'a che x̱ne'e kate' ne žate',
15 san bebégekle benne' ka' kate' wzóa da' bsakan' neda', na' bedjwíagake' neda'. Bdíḻ-ḻengak benne' wen da' ẕinnj ka' neda', na' choḻze bzétjgake' neda'. Bwíatezegake' neda', na' bi bsángake' da' žóngake'.
16 Bsáka'gake' neda', na' ben dítjgekle' neda', na' wžía ḻáže'gake' neda' ḻo yeḻa' ẕža'a chégake'.
