5 Tayta Diosllaman ricarajcunaga cushishami carcaycan. Paycunaga imaypis manami pengaycho cangachu.
6 Llaquicur gayacuptë Tayta Diosga wiyamashami. Llapan llaquicuycunapitami jorgamasha.
7 Tayta Diospa anjilninmi salban chapan Tayta Diosta rispitajcunataga.
8 Tayta Dios fiyupa alli cashanta musyanayquipaj masqui camay. Cushishami cawanga payman yäracojcunaga.
9 Tayta Diosta rispitay pay acrashan cajcunaga. Payta rispitajcunataga manami imapis pishengachu.
10 Rïcucunapis pobriyar muchupacarga yarganmi. Tayta Diosman yäracojcunapaga manami ima-aycanpis pishengachu.
