SALMOS 31:17-20 in Yatee Zapotec

SALMOS 31:17-20 in Dižaʼ chaweʼ kub len Salmo kaʼ

¹⁷Bi go'o latje yedoe'ela', X̱ana' Dios, dan' žḻiža' Le'. Ben ga yedoé'egekle benne' ka' ẕbej yíchjgake' Le'. Ben ga soa žígake' ḻo yi' gabíl.

¹⁸Bnnita' ži benne' ka' žon ḻáže'gake', benne' ka' ẕnnégake' chegak benne' chawe' ka', dan' ẕnnágake' ḻo yeḻa' ẕka'n ẕen kwin, na' ḻo yeḻa' žon ditjle.

¹⁹Ẕente nak yeḻa' ži'i ḻaže' chio' dan' napo' nich bi da' gono' chegak benne' ka' žápegake' Le' ba la'ne, dan' žonno' chegak benne' ka' žx̱en ḻáže'gake' Le' ḻawgak yógo'te benne' ka'.

²⁰Ḻo da' bagáche'ze gan zo' Le' ẕkache' chawo'o benne' chio' ka' nich bi be gongak benne' ka' chégake'. Ẕnnito' benne' ka' to ḻo yo'o ngache' nich bi be gongak chégake' benne' ka' ẕdiḻ diže'e.

SALMOS 31 in Dižaʼ chaweʼ kub len Salmo kaʼ

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!