7 Ki wnnía' dan' bzoa chocho' neda', X̱ana' Dios, ka to ḻaw ya'a ẕen, na' ben chawo'o neda', san kate' bkache' ḻawo' Le', na' wžé' zedla'.
8 X̱ana' Dios, wḻiža' Le', na' gáta'yoela' Le'.
9 ¿Biẕkze yeḻa' ba nez gaken chio' cha' gata' neda', na' choa'a yežw ba? ¿Wká'n ẕena' Le' kate' ba naka' bix̱te yo? ¿Wak wzenla' no benne' da' naken dot da' li chio'?
10 Bze nag chia', X̱ana' Dios, na' beyache' ḻaže'l neda'. X̱ana' Dios, gokḻen neda'.
11 Beno' ga beyák yeḻa' ẕbeže chia' yeḻa' žia'a. Bkwaso' yeḻa' nyache' ḻaže' chia', na' beno' ga bebéḻe'ela'.
