3 Tayta Diospa busnenga lamar jananpitami wiyacämun. Syëlucho caycaj Tayta Diosmi junruruchimun. Tayta Diosga intëru lamar jananchöpis caycanmi.
4 Tayta Diospa busnenga sinchipami wiyacämun. Tayta Diospa busnenga mana awantaypämi wiyacämun.
5 Tayta Diospa busnenga sedru yöracunatapis paquirgärinmi. Tayta Diosga paquirgärinmi Libanucho caycaj sedrutapis.
6 Líbano jircata Sirión jircatapis chucchuchinmi. Töruwan besëra pañar pinticachajtanöraj pinticachächin.
7 Tayta Diospa busnenga pillgut-pillgutyar-rämi shamun.
8 Tayta Diospa busnenga chunyaj chaqui jircacunatapis cuyurachinmi. Tayta Diosga chunyaj Cades chaqui jircatapis chucchurachinmi.
9 Tayta Diospa busnenga jatun yöracunatapis pücarinmi. Munticunatapis garapächullatami cachaycun. Wasinchömi ichanga Tayta Diosta llapanpis aduran.
