1 TOTECO nechtlahuilía huan nechmaquixtía. ¿Ajqueya ma niquimacasis? TOTECO yaya nochicahualis, huan na niitztoc imaco. Amo aqui niquimacasis.
2 Quema amo cuajcualme quinequise nechhuilanase huan quinequise nechmictise, motepotlamise huan huetzise.
3 Masque nochi isoldados se hueyi tlali motlananase noixpa, amo niyolmajmahuis. Masque nechhuilanase, na nimotemachijtos ipan TOTECO pampa yaya itztoc nohuaya.
4 San se tlamantli nijtlajtlanijtoc TOTECO. San se tlamantli nijnequi. Nijnequi niitztos ipan ichaj TOTECO nochi tonali. Nijnequi nijhueyichihuas nepa huan nimopaquilismacas ica nochi ihueyitilis huan itlatlanex. Quena, ipan ichaj nijtemos catli ya ipaquilis.
