Salmos 24:6-10 in Tabaa Zapotec

⁶ Caní zaj naca bénneache dxelebigue̱' lau Le̱', benne' ca' dxelexu'e̱ naga zua Dios chee̱ Jacob.

⁷ Le salaj dxa xu'u chee̱ xudau'. Le salaj dxa xu'u chawe' ca', na' chu'u Wenná Bea szrente̱.

⁸ ¿Nuzra na' Wenná Bea szrente̱ nigá? Naque̱' Xránadxu, Benne' wal-la, Bénnea' nape̱' dute̱ xel-la' waca. Naque̱' Xránadxu, Bénnea' dxedxúaje̱' chawe' lu wedil-la.

⁹ Le salaj dxa xu'u chee̱ xudau'. Le salaj dxa xu'u chawe' ca', na' chu'u Wenná Bea szrente̱.

¹⁰ ¿Nuzra na' Wenná Bea szrente̱ nigá? Naque̱' Xránadxu, Benne' dxenná bé'ene̱' xúgute̱ da zaj zua. Le̱' naque̱' Wenná Bea szrente̱ na'.